အရစ္စတိုတယ်(လ်) (Aristotle)က မည်သူမျှ ဘုရားနှင့် မိတ်ဆွေမဖြစ်နိုင်ဟု ဆိုပါသည်။ အဘယ့်ကြောင့်နည်း။ ပေါင်းဖော်မိတ်ဖွဲ့မှုအတွက်သာတူညီမျှမှုရှိရန် လိုအပ်ပြီး၊ နိမ့်ပါးသောလူသားများနှင့် တန်းတူဖြစ်ရန် အဘယ်ဘုရားက ၎င်းတို့၏ မြင့်မြတ်သောအဆင့်အတန်းမှ ဆင်းလာမည်နည်း။
နိမ့်ကျသောလူသားဖြစ်ရန် မြင့်မြတ်သော အဆင့်အတန်းမှ ဆင်းကြွလာသော အရာခပ်သိမ်းဖန်ဆင်းရှင် (ဖိ ၂:၆-၈၊ ကော ၁:၁၆) ယေရှုသည် နောက်ဆုံးညစာစားပွဲ၌ရှိနေပြီး၊ သူ၏ တပည့်တော်များအား ကျွန်ဟူ၍မခေါ်၊ အဆွေဟူ၍ခေါ်မည် (ယော ၁၅:၁၅)ဟု မိန့်မှာခြင်းကြောင့် အကယ်၍ အရစ္စတိုတယ်(လ်)သည် ထိုညစာ စားပွဲ၌ (မ ၂၆:၂၆-၃၅) ရှိနေမည်ဆိုလျှင် သူဘာလုပ်မည်ကို ကျွန်ုပ်သိချင်မိသည်။
အရစ္စတိုတယ်(လ်)သည် ထိုစားပွဲတွင် ထိုင်နေသူများကိုမြင်လျှင်လည်း အံ့အားသင့်သွားမည်ပင်။ ထိုနေရာတွင် ရောမလူတို့နှင့်ရင်းနှီးသော အခွန်ခံမဿဲ၊ ရောမတို့အား ရှုတ်ချသော မျိုးချစ်ဇေလုတ် ရှိမုန် (မ ၁၀:၃-၄)၊ မိုးကြိုးသား ယာကုပ်နှင့်ယောဟန် (မာ ၃:၁၇)၊ တည်ငြိမ်သော ဖိလိပ္ပုတို့…
“အရာရာ မှားယွင်းလျက် စိတ်ပျက်ဖွယ်များကြုံရသည့်အခါ ညဥ့်သန်းခေါင်၌ သင်မည်သူ့ကို ဖုန်းခေါ်နိုင်မည်နည်း”။ လွန်ခဲ့သောနှစ်များစွာက ဤမေးခွန်းကို ပထမဆုံးကြားခဲ့စဥ် ကျွန်တော်တုန်လှုပ်ခဲ့သည်။ မိမိဒုက္ခရောက်ချိန်တွင် မိတ်ဆွေတို့ကို အားကိုး၍ရသည်အထိ မိတ်ဆွေများနှင့်ကျွန်တော့်ကြားတွင်ဆက်ဆံရေး ခိုင်မာမှု မည်မျှရှိပါသနည်း။ ကျွန်တော် အသေအချာ မသိခဲ့ပါ။
ကျမ်းစာတွင် မိတ်ဆွေဖွဲ့ခြင်းအကြောင်း များစွာပြောထားပြီး၊ မိတ်ဆွေတစ်ဦးကို နှုတ်လုံသူ (သု ၁၁:၁၃၊ ၁၆:၂၈)၊ အကြံဉာဏ်များပေးသူ (၂၇:၉) နှင့် စည်းစောင့်သူ (၂၅:၁၇) အဖြစ် ဖော်ပြထားသည်။ သို့သော် ဆက်ဆံရင်းနှီးမှု၏ အဓိပ္ပာယ်ကို ဖွင့်ဆိုရာ၌ သခင်ယေရှုလောက် အနက်ဖွင့်ကောင်းသူ မရှိပါ။ ကြော်ငြာလုပ်ငန်းအတွက် ကျွန်ုပ်တို့သည် ဈေးကွက်၊ အလုပ်ရှင်အတွက် ကျွန်ုပ်တို့သည် ဝန်ထမ်းများ ဖြစ်သော်လည်း၊ အရာခပ်သိမ်းကို အုပ်စိုးရှင်အတွက်မူ ကျွန်ုပ်တို့သည် “မိတ်ဆွေများ”ဖြစ်သည်(ယော ၁၅:၁၅)။ သူ၏ဆက်ဆံရေးကို ဘုရားသခင်ကို ချစ်ခြင်းနှင့် သူ၏စွန့်လွှတ်အနစ်နာခံခြင်း၌ တည်ဆောက်သည်ဟု သခင်ယေရှုဖော်ပြခဲ့သည် (:၁၃၊၁၅)။…
San Fruttuoso (စံဖရူတူအောဇို)ဘာသာရေးကျောင်းဆောင်သည် အီတလီနိုင်ငံ၏ အနောက်မြောက်ဘက်ကမ်းရိုးတန်းရှိ ပင်လယ်ကွေ့တွင် တည်ရှိသည်။ ထိုနေရာသို့ လှေ (သို့) ခြေလျင်ဖြင့်သာ သွားလာနိုင်သည်။ သို့သော် ထိုပင်လယ်ကွေ့တွင် ရတနာများ ခိုအောင်းနေသည်။ ရေငုပ်သမားများ စွန့်စားပြီး ပေ ၅၀ ခန့် အောက်သို့ ဆင်းလိုက်လျှင် လူတစ်ယောက်၏ ပုံသဏ္ဌာန်ကို စတင်မြင်လာရမည်ဖြစ်သည်။ ထိုသူမှာ တွင်းနက်ကြီးအတွင်းမှ ခရစ်တော်ရုပ်တုဖြစ်သည်။ ၎င်းသည် ၁၉၅၄ ခုနှစ်တွင် တည်ဆောက်ခဲ့သည့် ကမ္ဘာ့ပထမဦးဆုံး ရုပ်တုဖြစ်ပြီး၊ ထိုနက်နဲသောအရပ်မှ ကောင်းကင်သို့လက်မြောက်ထားသော သခင်ယေရှုပုံကြေးရုပ်တုဖြစ်သည်။
နက်နဲသောအရာနှင့် သင်ကြုံဖူးကောင်းကြုံဖူးပါလိမ့်မည်။ ဆာလံ ၆၉:၂-၃ တွင် “နက်လှသောရွှံထဲမှာ ကျွံပါပြီ” “အော်ဟစ်၍ ပင်ပန်းပါပြီ” ဟုဆိုထားသည်။ ရန်သူများ၏လှောင်ပြောင်ကဲ့ရဲ့ခြင်းကိုခံရပြီး မိသားစုနှင့် ကင်းကွာနေသည့် (:၄၊ ၇-၁၂) ဆာလံဆရာမှာ အခြားသူများထံမှ သက်သာရာရှာမတွေ့ဘဲ (:၂၀)၊ ထိုဆင်းရဲခြင်း၏ဝါးမျိုမှုခံရပြီး၊ နက်နဲရာ၌ နှစ်မြှုပ်မှာကို…
အန်းနစ်ဟဲမင်းဝေး(Ernest Hemingway)၏ဝတ္ထုတိုများထဲမှ တစ်ခုတွင် ကွဲကွာ နေသော သားဖြစ်သူနှင့် ပြန်လည်ဆုံတွေ့လိုသော စပိန်လူမျိုးဖခင်တစ်ဦး အကြောင်းကို ရေးသားထားသည်။ ထိုဖခင်က နိုင်ငံပိုင်သတင်းစာတွင် “ပါကို၊အင်္ဂါနေ့ နေ့လည် မှာ မွန်တာနာ(Montana) ဟိုတယ်မှာ တွေ့ကြမယ်။ အဖေ အားလုံးကို ခွင့်လွှတ်တယ်” ဟူသော ကြော်ငြာကို ထည့်သွင်းလိုက်သည်။ ဖခင်ရောက်လာသောအခါ စောင့်နေသော လူအုပ်ကြီးကို တွေ့လိုက်သည်။ ၎င်းတို့၏ ဖခင်ထံမှ ခွင့်လွှတ်ခြင်းကို လိုလားနေသော ပါကိုအမည်နှင့် လူပေါင်း ၈၀၀ တို့သည် ထိုကြော်ငြာကို တွေ့ပြီး ရောက်ရှိလာကြခြင်းဖြစ်သည်။
၎င်းသည် ခွင့်လွှတ်ခြင်းကိုရယူလိုသည့် ကျွန်ုပ်တို့၏ပြင်းပြသောဆန္ဒကို ဖော်ပြသည့် စိတ်နှလုံးထိတွေ့စေသော ဇာတ်လမ်းတစ်ခုဖြစ်ပြီး၊ ယေရှုပြောခဲ့သည့်ပုံပြင်တစ်ပုဒ်ကိုလည်း သတိရမိသည်။ ထိုဇာတ်လမ်းထဲတွင် လူငယ်တစ်ယောက်သည် သူ့ဖခင်ကို ကျောခိုင်းထွက်သွားပြီး၊ “စိတ်ထင်တိုင်းကြဲ အသက်ရှင်လျက်” မကြာမီတွင် ဒုက္ခပြဿနာနှင့်ရင်ဆိုင်ရတော့သည် (လု ၁၅:၁၃-၁၄)။ သူသည် အသိတရား ရပြီး…
ပန်းချီဆရာ Degas (ဒေးဂက်စ်)သည် အမြင်လွှာရောဂါကို လွန်ခဲ့သော နှစ်ပေါင်း ၅၀ မှစတင် ခံစားခဲ့ရပြီး၊ မြေဖြူမျဉ်းများကို ပို၍အလွယ်တကူမြင်ရခြင်းကြောင့် သူသည် စုတ်တံဖြင့်ရေးဆွဲခြင်းမှ မြေဖြူနုအချောင်းဖြင့် ရေးဆွဲခြင်းသို့ ပြောင်းလဲ ရေးဆွဲခဲ့သည် ဖြစ်သည်။ Renoir (ရဲန်ဝါ)သည် အဆစ်အမြစ်ရောင်ရောဂါကြောင့် သူ၏လက်ချောင်းများမှာ ငှက်ခြေသည်းများ ကုတ်ထားသကဲ့သို့ ဖြစ်သွားပြီး၊ စုတ်တံကို တင်းကြပ်သောလက်ချောင်းများကြားတွင် ထားပြီး ပန်းချီဆွဲခဲ့ရသည်။ ခွဲစိတ်မှုတစ်ခုကြောင့် Matisse(မထိစ်)သည် မလှုပ်ရှားနိုင်ဖြစ်သွားသောအခါ သူသည် ကောလိပ်သို့ပြန်ခဲ့ပြီး သူသည် နံရံပေါ်ရှိ ကြီးမားသောစာရွက်တစ်ရွက် တွင် ရောင်စုံစက္ကူအပိုင်းအစများကို ကပ်ရန် လက်ထောက်များအား ညွှန်ကြားခဲ့သည်။ ဖြစ်ရပ်တစ်ခုစီ၏ နောက်ဆက်တွဲရလဒ်မှာ ဒေးဂက်စ်၏ Blue Dancers၊ ရဲန်ဝါ၏ Girls at the Piano၊ မထိစ်၏ The Sorrows of the King နှင့် အခြားဖန်တီးမှု…
ပဲ့ကျနေသောမီးဖိုချောင်နှင့် အိကျနေသောကြမ်းခင်းများကြောင့် ကျွန်ုပ်တို့၏ အိမ်ကို ပြုပြင်မွမ်းမံရန် လိုနေပါပြီ။ အပိုင်းအတော်များများကို ဖြိုဖျက်ပြီးနောက် ဆောက်လုပ်ရေးသမားများသည် အုတ်မြစ်အသစ်ကို စတင်တူးကြသည်။ ထို့နောက် စိတ်ဝင်စားစရာများ တွေ့လာရသည်။
ဆောက်လုပ်ရေးသမားများက မြေကြီးတူးဖော်နေစဥ် ပန်းကန်ပြားအပိုင်း အစများ၊ ၁၈၅၀ ခုနှစ် ဝန်းကျင်က ဆိုဒါပုလင်းများနှင့် မီးဖိုချောင်သုံးပစ္စည်းများ အမြောက်အများထွက်လာသည်။ ကျွန်ုပ်တို့အိမ်ကို အမှိုက်ပုံဟောင်းပေါ်၌ ဆောက် ခဲ့ခြင်းလား။ မသိနိုင်ပါ။ သို့သော် ရလဒ်အနေနှင့် အင်ဂျင်နီယာက ကျွန်ုပ်တို့၏ အုတ်မြစ်ကို ပိုနက်အောင်တူးရမည်။ မဟုတ်ပါက နံရံ၌ အက်ကြောင်း ပေါ်လာလိမ့်မည်ဟု ပြောပါသည်။
အခြေခံအုတ်မြစ်ကောင်းများသည် ခိုင်ခံ့သောအိမ်များအတွက်ဖြစ်ပါသည်။ ကျွန်ုပ်တို့အသက်တာအတွက်လည်း ထိုနည်းတူပင် ဖြစ်သည်။ ဣသရေလလူတို့ သည် ရန်သူတို့ကြောင့် တုန်လှုပ်သည့်အခါ သူတို့ခိုင်ခံ့ခြင်းရှိရန် ဟေရှာယ ဆုတောင်း ပေးခဲ့သည်(ဟေရှာ ၃၃:၂-၄)။ သို့သော် သတ္တိရှိခြင်း (သို့) လက်နက်ရှိခြင်းကြောင့် မဟုတ်ဘဲ ဘုရားသခင်အပေါ်၌…
“ကျေးဇူးတရားအကြောင်း”(About Grace) ဝတ္ထုတွင်၊ ဒေးဗစ်ဝင်းကလယ် (David Winkler)သည် ကွဲကွာနေသော သူ၏သမီးကိုရှာရန် တောင့်တခဲ့ပြီး ဟာမန်ရှီလာ(Herman Sheeler)သည် သူ့ကိုကူညီနိုင်သည့် တစ်ဦးတည်းသောလူ ဖြစ်သည်။ သို့သော် အထစ်အငေါ့တစ်ခုရှိသည်။ ထိုသမီးမှာ ဟာမန်၏ဇနီးနှင့် ဒေးဗစ်တို့ဖောက်ပြန်ရာမှ မွေးလာသူ ဖြစ်ပြီး ဟာမန်က သူတို့ကို နောက်ထပ် မဆက်သွယ်ရန် သတိပေးခဲ့သည်။
ဆယ်စုနှစ်များစွာ ကုန်ဆုံးခဲ့ပြီးနောက် ဒေးဗစ်သည် ဟာမန်ထံ သူပြုခဲ့သည့်အရာအတွက် တောင်းပန်စာရေးခဲ့သည်။ “ကျွန်တော့်သမီးလေးအကြောင်း သိပ်မသိလို့ ဘဝမှာ လစ်ဟာနေခဲ့တယ်” ဟု သူက ထပ်လောင်းပြောကြားပြီး၊ သမီးနှင့် ပတ်သက်သော အချက်အလက်များကို တောင်းခံခဲ့သည်။ ဟာမန် သူ့ကို ကူညီမှာလားဆိုတာ စောင့်ကြည့်ခဲ့သည်။
ကျွန်တော်တို့အပေါ် မှားယွင်းစွာပြုခဲ့သူများကို မည်သို့ဆက်ဆံသင့်သနည်း။ ဣသရေလရှင်ဘုရင်သည် ရန်သူများ သူ့လက်ထဲ အံ့ဖွယ်နည်းလမ်းဖြင့် ကျရောက်ပြီးနောက် ဤမေးခွန်းကို ရင်ဆိုင်ခဲ့ရသည် (၄ရာ ၆:၈-၂၀)။ “သူတို့ကို…
နာဇီယန်းဇက်စ် မြို့ မှ ဂရယ်ဂရီ နှင့် စေစရီယား မြို့မှ ဘယ်စေးလ်တို့သည် ၄ရာစုမှ အသင်းတော်ခေါင်းဆောင်များဖြစ်ပြီး ရင်းနှီးသောသူငယ်ချင်းလည်း ဖြစ်ကြသည်။ သူတို့သည် ဒဿနိကဗေဒကျောင်းသားအဖြစ် ပထမဆုံးတွေ့ဆုံခဲ့ကြပြီး၊ နောက်ပိုင်းတွင် သူတို့သည် “နှစ်ကိုယ့်တစ်စိတ်” ဖြစ်လာသည်ဟု ဂရယ်ဂရီက ပြောသည်။
သူတို့၏အသက်မွေးဝမ်းကျောင်းသည် ဆင်တူပြီး ဂရယ်ဂရီနှင့် ဘယ်စေးလ်တို့ အကြား ပြိုင်ဆိုင်မှုမရှိပေ။ သို့သော် ပြိုင်ဆိုင်ရန်သွေးဆောင်မှုကို သူတို့ရှောင်ရှားလျက်၊ ၎င်းတို့ဘဝအတွက် “တစ်ခုတည်းသော ရည်မှန်းချက်”အဖြစ် ယုံကြည်ခြင်း၊ မျှော်လင့်ခြင်းနှင့် ကောင်းသောအကျင့်များကို ကျင့်ကြံကာ မိမိထက် တစ်ဘက်သားကို ဤပန်းတိုင်သို့ ပေါက်ရောက်အောင်မြင်စေကြောင်း “အချင်းချင်းကို တွန်းအားပေး” ခဲ့ကြောင်း ဂရယ်ဂရီက ရှင်းပြခဲ့သည်။ ရလဒ်အဖြစ် နှစ်ဦးစလုံးသည် ယုံကြည်ခြင်း၌ ကြီးထွားလာပြီး၊ ပြိုင်ဆိုင်မှုကင်းလျက် ခေါင်းဆောင်မှု အဆင့်သို့တက်လှမ်းခဲ့ကြတော့သည်။
ယုံကြည်ခြင်း ခိုင်ခံ့အားကောင်းရန် (ဟေဗြဲ ၂:၁) ဟေဗြဲဩဝါဒစာက ကျွန်ုပ်တို့ကို ကူညီပေးပြီး…
ကျွန်တော့်သူငယ်ချင်းနှင့် သူမ၏ခင်ပွန်းတို့သည် ကိုယ်ဝန်ရရန် ကြိုးစားခဲ့စဉ်က ဆေးပညာ လုပ်ထုံးလုပ်နည်းကို ခံယူရန် ဆရာဝန်များက သူမအား အကြံပြုခဲ့ကြသည်။ သို့သော် ကျွန်တော့်သူငယ်ချင်းက ချီတုံချတုံဖြစ်ခဲ့သည်။ သူမက “ကျွန်မတို့ရဲ့ ပြဿနာပြေလည်ဖို့ ဆုတောင်းခြင်းနဲ့ လုံလောက်တယ် မဟုတ်ဘူးလား”၊ “ကျွန်မတကယ်ပဲ ဆေးပညာ လုပ်ထုံးလုပ်နည်းကို ခံယူဖို့ လိုအပ်လား” ဟု ပြောခဲ့သည်။ ဘုရားသခင်၏လက်ရာကို မြင်တွေ့ရရန် လူသား၏လုပ်ဆောင်ချက်သည် မည်သည့် ကဏ္ဍ၌ပါဝင်နေသည်ကို သူမ ကြိုးစား၍ အဖြေရှာနေခဲ့ပါသည်။
လူများကို ကျွေးမွေးသည့် ရှင်ယေရှု၏ဇာတ်လမ်းက ဤနေရာတွင် ကျွန်တော် တို့ကို ကူညီပေးနိုင်သည် (မာ ၆:၃၅-၄၄)။ မုန့်အနည်းငယ်နှင့် ငါးအချို့တို့ဖြင့် ထောင်ချီသောလူတို့ကို အံ့သြဖွယ်ကျွေးမွေးခဲ့သည့် (:၄၂) ဤဇာတ်လမ်းအဆုံးကို ကျွန်ုပ်တို့သိပြီးသားဖြစ်မည်။ သို့သော် မည်သူက လူအုပ်ကို ကျွေးမွေးရသည်ကို သတိပြုပါ။ တပည့်တော်များဖြစ်ပါသည် (:၃၇)။ အစားအစာများကို မည်သူပြင်ဆင်သနည်း။ သူတို့ပင်…
တစ်မနက်၌ နှစ်သစ်အတွက် ဆုတောင်းဆက်ကပ်စဥ် “ဝမ်းမြောက်ခြင်းအရှိန်ဖြင့်သွားပါ” ဆိုသောစကားစုက စိတ်ထဲပေါ်လာပြီး ကျွန်ုပ်အတွက် သင့်တော်လေခြင်း။ ကျွန်ုပ်သည် အလုပ်ကို ဦးစားပေးသူဖြစ်ပြီး၊ ၎င်းက ကျွန်ုပ်၏ဝမ်းမြောက်မှုကို ခိုးယူ သွားသည်။ သို့နှင့်ဤလမ်းညွှန်အတိုင်း နှစ်သစ်၌ ပျော်စရာအရှိန်နှုန်းဖြင့် အလုပ်လုပ်ကာ မိတ်ဆွေများ၊ ဝမ်းမြောက်ဖွယ်ရာများအတွက် အချိန်ပေးရန်စိတ်ပိုင်းဖြတ်ခဲ့၏။
ဤအစီအစဥ်က မတ်လအထိ အဆင်ပြေခဲ့သည်။ ထို့နောက် ကျွန်ုပ်ရေးဆွဲပြင်ဆင်ခဲ့သော သင်တန်းတစ်ခု၏ လက်တွေ့သင်ကြားမှုကို ကြီးကြပ်ကွပ်ကဲရန် တက္ကသိုလ်တစ်ခုနှင့် မိတ်ဖက်လက်တွဲခဲ့သည်။ ကျောင်းသားများ စာရင်းသွင်းခြင်း၊ သင်ခန်းစာ သင်ကြားရန် စသည့်အလုပ်များဖြင့် နာရီပေါင်းများစွာ အလုပ်ပြန်၍ လုပ်ခဲ့ရသည်။ ‘ဝမ်းမြောက်ခြင်း အရှိန်’ ဖြင့် မည်သို့ရှေ့ဆက်နိုင်ဦးမည်နည်း။
သခင်ယေရှုက သူ့ကိုယုံကြည်သူတို့အား ဝမ်းမြောက်ခြင်းကို ကတိပေးခဲ့ပြီး၊ ၎င်းကို သူ၏မေတ္တာ၌တည်နေခြင်း (ယော ၁၅:၉)၊ မိမိလိုအပ်ချက်အတွက် သူ့ထံ ဆုတောင်းခြင်းဖြင့် (၁၆:၂၄) ရရှိနိုင်မည်ဟု မိန့်ဆိုခဲ့သည်။ “သင်တို့၌ ငါဝမ်းမြောက်စရာအကြောင်း…